Safiirka Dowlada Iiraan u fadhiya Ururka Iskaashiga Islaamka oo magaciisa loo soo gaabiyo OIC oo lagu magacaabo Xamidreza Dehghani oo maanta la hadlay Warfidiyeenada ayaa waxa uu sheegay In Wasiirada Arrimaha Dibada wadamada Xubnaha ka ah Ururka Iskaashiga wadamada Islaamka ay kulan deg deg ah ka qaadan Doonaa sidii ay kaga jawaabi lahaa Filimkii dhawaan lagu faafiyey Barta Internetka oo lagu Aflagaadeeyey Diinteena Islaamka iyo Sharafka Nabigeena Muxamed waxa uuna sheegay in ay sa Aad ah kaga soo horjeedaan oo ay cambaareynayaan Filimkaasi.

Sidoo kale Safiirka U fadhiya dowlada Iiraan Ururka Iskaashiga Islaamka ayaa waxa uu ugu baaqay shacabka wadamada Islaamka Ee Muujinaya Dareynkoda in ay ilaaliyaan Ammaanka dadka Ajanabiga ah Ee Aan wax lug ah ku laheyn Filimkaasi isagoona ka Codsaday Kumanaanka qofood Ee wali Muujinaya Dareynkooda in ay u muujinayaan si nabadeed oo la ilaaliyo Ammaanka.

Kulanka ugu soo horeeya Ee Wasiirada Arrimaha Dibada wadamada xubnaha ka ah Ururka Iskaashiga Islaamka ayaa waxaa la filayaa in uu qabsoomo Bisha October Ee sanadkani waxa uuna ka dhaci doonaa magaalada Djibouti Ee dalka Jabouti waxaana la filayaa in ay Go’Aan ka soo saaraa Filimkaasi Foosha xun dhanka kale waxaa dhawaan kulan deg deg ah ku yeelanaya dalka Mareykanka Golaha Ammaanka Ee QM kuwaasi oo ka hadli doona saameynta Filimkaasi uu sheegay.

Tan iyo markii dhawaan uu soo shaac baxay Filimkaasi waxaa sii badanayey Jawaabaha carada leh Ee Laga bixinayo waxaana wali qaar ka mid ah wadamada Islaamka ka socda isku soo baxyo looga so horjeedo Filimkaasi. 

Ururka Xisbullah ayaa ku baaqay in la sii xoojoyo dibadbaxyada looga soo horjeedo Filimkii lagu Aflagaadeeyey Diinteena Islaamka.

Hogaamiyaha Ururka Xisbullah Sh Xassan Nasrallah oo Qudbad dheer ka jeediyey Tv-ga lagu magacaabo Al-Manar Tv ayaa marka hore waxa uu si Aad u cambaareyey Filimkii dhawaan qeyb ka mid ah lagu soo bandhigay Barta Internetka oo loogu xadgudbay Sharafka Diinteena Islaamka Iyo Nabigeena Muxamed N.N.K.H waxa uuna ku Eedeeyey Hogaamiyaasha wadamada Reer Galbeedka iyo Dalka Mareykanka iyo Israeli in ay ka dambeeyaan faafinta Filimkaasi oo ay ku bixiyeen dhaqaalo badan iyo taageero badan.

Sidoo kale Hogaamiyaha Ururka Xisbullah Sh xasan Nasrallah waxa uu ugu baaqay wadamada Islaamka gaar ahaan shacabka Muslimiinta Eek u dhaqan dalka Liibiya in ay sii kordhiyaan isku soo baxyada lagu Muujinaayo dareynka carada leh Ee laga qaaday Filimkaasi iyo sidii cadaalada loo keyni lahaa Soo saarayaashii iyo kuwii faafiyey filimkaasi Foosha xun oo lagu Aflagaadeeyey Diinteena Islaamka iyo Sharafka Nabigeena Muxamed N.N.K.H.

Qudbada hogaamiyaha Ururka Xisbullah SH Xassan Nasrallah oo ay daawanayeen Boqolaal ka mid ah taageerayaashiisa ayaa waxa uu ugu baaqay shacbaka Muslimiinta Ee caalamka in ay maanta ka Faa’iideystaan maalintan qerka badan oo uu sheegay in ay maalintii uu dhashay uu dhintay uu Caruusay Nabigeena Muxamed waxa uuna ku baaqay in ay iskugu soo baxaan Koonfurta dalka Lubnaan oo ay ku xoogan yihiin Dagaalyahanada Ururka Xisbulaah.

Isku soo baxyadii ugu dambeeyey Ee looga soo horjeeday Filimkii lagu Aflagaadeeyey Diinteena Islaamka ayaa shalay waxa ay ka dhaceen dalka Pakistan waxaana Rabshado ka dhashay ku dhintay ugu yaraan 1 qofood.